Xurado O xurado valorará só as tarefas de todos os grupos. Está composto por: Rosa Aneiros. Xornalista, traballa na Sección de Comunicación do Consello da Cultura Galega e colabora habitualmente en diferentes medios, como www.culturagalega.org . É autora das obras "Eu de maior quero ser" (Sotelo Blanco, 1999), "Corazóns amolecidos en salitre" (Laiovento, 2002) e "Resistencia" (Xerais, 2002), ademais de relatos en volumes colectivos como "Seis ferroláns" (Edicións Embora, 2003), "Alma de beiramar perdida" (A Nosa Terra, 2003), "Botella ao mar" (AGAV, 2003) ou "Sempre mar. Cultura contra a burla negra" (Asoc. Benito Soto, 2003). Lourenzo Fernández. Profesor do Departamento de Historia Contemporánea e de América da Universidade de Santiago de Compostela. Publicou diversos artigos nas revistas: Historia Agraria, Historia Social, Revista de Occidente, Grial, A trabe de Ouro... Ten publicados os seguintes libros: "Labregos con ciencia".(Xerais, 1992). "Terra e Progreso" ( Xerais, 2000). "Poder local, elites e cambio social na Galicia non urbana " (Santiago, 1997); Luís Teira. É licenciado en Psicopedagoxía e especialista en Elaboración de Materiais Didácticos Multimedia. Traballa como mestre de ensino primario e é coordenador do proxecto ciberlingua.org e do portal edugaliza.org