Algúns dos pacientes con xordeira profunda ou severa poden beneficiarse dos Implantes Cocleares. Esto comprende tanto nenos coma adultos que tiveron unha xordeira de causa infecciosa, tóxica, post meningitis, traumática ou de outra causa. Do mesmo xeito os nenos que naceron coa xordeira (conxénita).

     Todos estos Hipoacúsicos deben someterse a exploracións clínicas, neurolóxicas, radiolóxicas, audiolóxicas e psicolóxicas para ter unha avaliación completa do seu estado e as súas condicións.

     En casos especiais, certos déficits psicolóxicos tales como o Síndrome de Down, poden ser intervidos tamén. Se o hipoacúsico usa audífonos e é capaz de seguir a conversa sin lectura labial, non é un candidato ó Implante Coclear.

     Antes de colocar un Implante coclear é necesario realizar unha serie de probas ó paciente, para determinar en qué medida pode restablecerse a audición. Estas probas son a Audiometría tonal (tons puros) e vocal (palabras), Potenciais evocados auditivos do tronco cerebral, Test do promontorio, radiografias, un estudio psicolóxico e a valoración do grao de motivación para tratar a súa xordeira. En ocasións, estudio vestibular con Nistamografía computerizada.

     Se o paciente ten labiolectura e está integrado no mudo oralista, o resultado será moito mellor.

     As malformacións de oído interno precisan dun tratamento especial por especialistas con gran experiencia.      Así mesmo, os pacientes con cócleas calcificadas teñen maior dificultade a ser intervidos, sen embargo é posible en mans expertas.