PASENIÑO
PARTIDO ENTRE OS EQUIPOS DAS RIAS ALTAS E AS BAIXAS NO CAMPO DE BALAIDOS
Collage de Deportes
Destacadas figuras do deporte en Galicia implicaron-se na carreira contra o Prestige: o ciclista Álvaro Piñeiro, os atletas Xulia Vaquero (campeona de España de campo a través), Estanislao Durán (campeón de España de 5.000 e 10.000 metros), María Xesús Xestido (campeona galega de Cross) ou Carlos de la Torre (campeón de España de 10.000 metros).
A equipa de "Nunca máis" se manifestou en etapas. Cada un dos participantes foi pasando o relevo do testemuña, que consistía nunha lanterna subacuática que portaba o manifesto da plataforma.
O testemuña foi mergullabel porque parte do circuito se fixo baixo o mar. Unha etapa da carreira cubriuse con submarinistas que cruzaron as rías de Pontevedra e Ferrol. En Lugo unha persoa se lanzou en puenting para lle pasar o relevo a un grupo de piragüistas que continuaron a marcha polo río. A protesta viaxou tamén en parapente, cabalo ou bicicleta.
A carreira culminou onte en Santiago onde se organizaron xogos como o "tiro ao rosto", con lanzamento de bolas a figuras de "algun político que non apareceu no seu momento onde tiña que estar" ou aeróbic, simulando os movimentos da recollida de fuel.

Deportes

Ante a proximidade do Derby Galego e ante a imposibilidade de que as dúas afeizóns mostren no estadio a súa unidade ante a catástrofe do Prestige, dúas páxinas dos eternos rivais se unen hoxe con un manifesto conxunto para demostrar que o pobo galego está, ante todo, unido.

MANIFESTO
A unión que xurde entre afeizoados por unha mesmo equipo confirma ó futbol como unha das maiores manifestacións sociais dos nosos días. Por desgracia, tamén ocorre que a afeizón por equipos distintos pode distanciar ás persoas, e mais se se trata de conxuntos rivais. Sen embargo, os últimos feitos acaecidos en Galicia e que asolan as nosas augas,
costas e alcantiladas da nosa terra non poden deixar aos Galegos indiferentes nen enfrentados. Por iso, as dúas afeizóns máis enfrentadas de Galicia, a do Celta de Vigo e a do Deportivo da Coruña, queren personificar a unión de tódolos galegos de cara ao próximo Derbi Galego.
A pesar das travas que nos queiran pór para que podamos escenificar esa unión no estádio de Riazor, queremos sumarnos ao sentimento de unidade que percorre Galicia desde Ribadeo ata a desembocadura do Miño.
Por iso, dende Riazor.org e DelCelta.com queremos pedir, como parte de duas afeizóns unidas por esta causa, non só que non se permita que cousas como estas volten a ocorrer, se non que dunha vez por todas o amor a esta terra supere ao apego ao sillón, xa sexa para o manter ou para acceder a el, pendo-se todas os meios posibles ao servizo de mariñeiros e voluntários para riscar este desastre da nosa costa. Ademáis, pretendemos deixar claro que, por encima de outras rivalidades, o pobo galego é unha soa voz á hora lanzar o que xa non é un berro, se non unha exixéncia:
¡NUNCA MAIS!
DEPORTISTAS CULMINAN UNHA CARREIRA EN PROTESTA POLO "PRESTIGE"
As olimpíadas do chapapote
Jorge Leal. Un neno tira chapapote aos cartaces de Cascos, Rajoy e Aznar, na Praza da Quintana, en Santiago. P. Pérez - santiago
Mudaron os cartaces polo testemuña que portan os atletas nas carreiras de relevos e apuraron o paso das protestas ata as converter nunha competición deportiva. A manifestación máis atlética de "Nunca máis" culminou onte en Santiago despois de 21 dáas cunha olimpíada onde o chapapote inspiraba os xogos.
O pistoletazo de saída se deu o pasado 20 de abril en OU Barco de Valdeorras. A liña de meta está nos despachos dos dirixintes do Goberno e da Xunta aos que reclaman unha solución definitiva para o pecio do Prestige, afundido fronte ás costas galegas, a limpeza das praias afectadas polo verauido do petroleiro e a elaboración de planos de emerxéncia marítimos.

OS DE "HAI QUE ROELO" PUXERON UN PÉ NA PROMOCION DE ASCENSO A SEGUNDA DIVISIÓN A TRÁS VENCER AOS AFIADORES DE OURENSE

O Pontevedra sufreu, pero finalmente obtivo unha victoria no derbi co Ourense que o deixa ás portas da fase de ascenso. Só lle fica vencer na última xornada ao Ávila en Pasarón, pois o Lanzarote e a Cultural, que o superan en dous e un punto, mídense entre eles o próximo domingo. Por contra o conxunto das Burgas perdeu as súas opcións de xogar a Copa do Rei a próxima temporada.
De saída José Aurelio Gay apostou por unha defensa de tres homes, Gordiño, Soria e Luismi, os únicos que tiña disponíbeis polas baixas dos laterais Sergio e Casablanca e do central Aláez. Perdiase poder defensivo nas bandas, onde os carrileiros eventuais, Zafra e Xaco, son de carácter ofensivo, espécialmente o segundo. Un risco que debía asumir o técnico, entre outras cousas porque os pontevedreses estaban obrigados a ir a polo partido.
nos inícios notouse certo nervosismo nos granates, o que os levou a ser precavidos. Tampouco o Ourense se mostraba cobizoso, como se aceitase a convidación de tanteo proposta polos visitantes. Daba a impresión de que as hostilidades tardarían abondo tempo en comezar.
Vantaxe local. Sen embargo, un erro de Soria no minuto 11 puxo a viveza que lle faltaba ao derbi. O central tiña un balón fácil para despexar, pero dormiu. Rubén pelexou o coiro e levoullo por banda para quitar un centro pasado que rematou de cabeza maxistralmente Kiko, superando no salto a Gordiño.
Un tanto que caía como un mazazo nas filas pontevedresas e carregaba de motivación aos locais. Un minuto máis tarde é o goleador ourensano o que centra desde a esquerda e Conget non logra rematar ante a oportuna chegada ao corte de Zafra. Seguia o agobio vistante. Esta vez é Kiko quen recebe na frontal e en lugar de tratar de encarar a Moncho opta por un lanzamento que se perde demasiado cruzado.
O Pontevedra tomou alento e se refixo, gracias a dous disparos en accións isoladas de Manu Busto, un deles obrigando a estirarse a Elía. As bolas en longo eran a única e pouco efectiva proposta dos granates en ataque. Alomenos até a meia hora de xogo, cando unha brillante combinación entre Tonino, Javi Rodríguez e Padín permitiu a este último plantarse ante o porteiro vermelliño, ainda que estrelou o coiro contra o peito do guardameta.
Reacción pontevedresa.

O Pontevedra comezou a crer nas suas posibilidades e ao gume do descanso Javi Rodríguez envia ás nubes o esférico desde a frontal do área pequena cando o máis fácil era marcar.
na reanudación o conxunto de Gay fixose coas rédeas do choque. Diego Castro dá o primeiro aviso, pero de novo Elía quita unha man espectacular. Non pudo evitar o gol o grande meta local no minuto 62. Penálti de Burgueña sobre Javi Rodríguez, que lle valeu a expulsión ao ourensano, e o ariete granate non perdona desde os once metros.
O Pontevedra embotellou a partir dese momento ao Ourense na súa parcela. As oportunidades caían unha tras outra e, cando faltaban tres minutos, Padín acertaba con un disparo cruzado. Entón, estalou o banquiño granate e O Couto, porque onte estaba tomado pola afeizón pontevedresa. Xa no último suspiro, Curiel puxo a pontiña. Ao final afeizón e xogadores celebraron no terreno de xogo esta importante victoria

REFLEXION: AFICIONADOS NON ESQUENZADES QUE OS QUE CAUSARON TODOS ESTOS DANOS A NOSA TERRA FORON ESTOS GOBERNATES DE DEREITAS QUE NOS ESTAN GOBERNANDO E TEREMOLOS QUE CASTIGAR COS NOSOS VOTOS. LIBEREMOS A NOSA TERRA DE ESTOS INEPTOS E SARRAPASTROSOS.