Un principio pedagóxico básico é partir sempre do nivel de coñecementos previos do alumno para asegurar aprendizaxes significativas e funcionais. Se non nos adaptamos á situación do alumnado, imposibilitaremos a comprensión do noso discurso e, por tanto, toda posibilidade de aprendizaxe.

Neste sentido, realízase sempre unha avaliación de coñecementos previos referida ó dominio de habilidades instrumentais básicas relacionadas coa Internet. Os resultados desta avaliación van condicionar todo o proceso subseguinte: secuenciación de contidos, nivel de profundidade, duración de cada tarefa...