O uso do navegador, a www.
O uso de buscadores.
O manexo do correo electrónico.
Outras ferramentas de comunicación: foros, roldas e bate-papo.
Gardar-tratar información.
Proxectos educativos na rede.

O uso do navegador, a www.

No traballo co navegador perséguense dous obxectivos fundamentais: tanto un dominio das habilidades instrumentais básicas para o manexo do mesmo como un coñecemento e familiarización con webs de interese xeral e educativas en galego. Neste sentido, ó mesmo tempo que se traballan as diferentes funcións do navegador, terase como base este tipo de páxinas cubrindo así o dobre obxectivo sinalado.

Para a selección das URLs dispomos de diferentes fontes: á Guía de Recursos de Ciberlingua, a selección de páxinas educativas elaborada pola monitora Ana Hermida...

Propostas de actividades co navegador:
Proposta1
Proposta2

O uso de buscadores.

Todo o traballo con buscadores se orientará a adquirir habilidades para o seu manexo como ferramenta no quefacer educativo, con actividades centradas nas utilidades dos buscadores como apoio na labor docente.

Propostas de actividades cos buscadores:
Proposta 1
Proposta2

O manexo do correo electrónico.

Neste caso preténdese que ó mesmo tempo que aprenden a manexar o correo, tomen conciencia das súas posibilidades como medio de comunicación e intercambio dentro do ámbito educativo.

Proposta de actividades co correo electrónico:
Proposta 1
Proposta 2

Outras ferramentas de comunicación: foros, roldas e bate-papo.

Moitos mestres adoitan ter unha serie de prexuízos hacia as charlas en liña, como actividade puramente ociosa, sen valor formativo de ningún tipo. Posto que se trata dunha actividade moi usual entre a xuventude, a escola non debería cerrarlle as súas portas, senón aproveitar o seu potencial motivador para chegar ós xoves. Tratamos pois de facerlles ver as posibilidades educativas desta ferramenta.

Un xeito de facelo e manexar o bate-papo a traveso dalgunha aplicación didáctica real do mesmo. Por exemplo a que atopamos en http://www.edugaliza.org/misterioso
Levamos a cabo a proposta facendo toda a simulación e unha vez rematada a sesión, ofreceremos a URL orixinal, facendofincapé nos obxectivos educativos que unha dinámica deste tipo pretende conseguir.

En canto ós foros, visitanse distintos foros de temática educativa e incluso se pode abrir un debate do grupo nalgún deles (http://www.xesnet.com/paxinas/foros/leerforos.php?Id=82). O mesmo pasa coas roldas (nivel II), que son creadas para a comunicación interna do grupo, de xeito na aprendizaxe do seu manexo se entre nas dinámica de comunicación que xeran.

Gardar-tratar información.

Á hora de traballar o manexo dos diferentes tipos e formatos de información que podemos atopar en Internet, debemos procurar que os documento elixidos sexan de interese para os nosos destinatarios, de tal xeito que ó mesmo tempo que aprenden o manexo das diferentes ferramentas (Adobe, WinRar...), tomen conciencia das posibilidades que ofrecen.

Indicamos unha serie de documentos que puideran ser útiles. De todos xeitos, en cada grupo teremos un público diferente e provinte de distintos ámbitos, ó que deberemos adaptarnos en cada caso tentando ofrecerlles recursos adaptados ós seus intereses e necesidades.

Páxinas con recursos en varios formatos:
Vocabularios e léxicos de varios ámbitos do saber do Servicio de Normalización Lingüística da USC (formato .html, .zip, e .pdf).
http://www.usc.es/~snlus/vocab.htm

Biblioteca Virtual Galega.
http://bvg.udc.es > Obras dispoñibeis para lectura.

Descargas sinxelas .html:
Biblioteca Virtual da Literatura Universal en Galego.
http://www.bivir.com > relación de obras.

Obras da literatura galega no proxecto Tomiño.
http://milprimaverasmais.org/tominho/obras.php

PDF:
Descargas da biblioteca de La Voz de Galicia (moitos dos ficheiros están tamén comprimidos en .zip).
http://www.lavozdegalicia.es/biblioteca

Descargas da biblioteca de CulturaGalega.org (documentos de múltiples áreas: literatura, música, banda deseñada, arte, historia...).
http://www.culturagalega.org/biblioteca.php

Itinerarios en Edugaliza. Recursos e itinerarios educativos nas distintas comarcas galegas. Ver por exemplo o Morrazo.
http://www.edugaliza.org/sala/lugares/index.html

FORMATOS OFFICE:
o Materiais descargables de Xerais. Deseños curriculares e propostas didácticas variadas para os diferentes niveis educativos. Documentos de Word e Excel.
http://www.xerais.es/materiais/materiais.htm

Proposta de actividades de gardar-tratar información.

Proxectos educativos na rede.

Traballamos con comunidades educativas, e o noso obxectivo non só é o desenvolvemento de habilidades instrumentais de manexo de ferramentas, senón tamén e principalmente a súa aplicación ó ensino unha vez rematado o curso. Isto implica necesariamente dar a coñecer aqueles sitios da rede que desenvolven proxectos de tipo educativo. Algúns dos tipos de proxectos cos que traballamos son: o programa Clic, as Webquest, portais educativos, xogos e materiais educativos na rede...

Análise de proxectos educativos na rede.