Lograr que os nosos alumnos, usuarios da rede a un nivel moi básico, comprendan o que é o Protocolo de Transferencia de Ficheiros e a súa diferenciación do protocolo WWW sobre a base dunha explicación teórica é moi difícil. Son conceptos moi abstractos para quen non ten unha bagaxe previa de coñecementos sobre o xeito en que se transmite a información na rede e os distintos protocolos.

Sen embargo, a experiencia real de coller os ficheiros .html que foron creando ó longo dos sucesivos día, subilos á rede mediante un programa de ftp e comprobar que inmediatamente están accesibles en remoto a traveso dun navegador, permite vivenciar a transferencia de ficheiros e comprender facilmente o que é o protocolo ftp. Por suposto e para posteriores utilizacións do ftp, élle proporcionada unha guía básica do seu manexo e parámetros a introducir (nome do servidor, nome de usuario e contrasinal).